തത്ത്വമൊക്കെ കൊള്ളാം

കറുപ്പുടുത്ത് മാലയിട്ട് , ശവങ്ങള്‍ തിന്നാതെ, അവളെ തിരിഞ്ഞുപോലും നോക്കാതെ, തികഞ്ഞ ഏകാഗ്രതയോടെ ഒരു മാസം നോമ്പെടുത്ത്, കഷ്ട്ടപ്പെട്ട് അദ്ദേഹത്തെക്കാണാൻ മല കയറിച്ചെന്നപ്പോള്‍ അവിടെ എഴുതീരിക്ക്ണു 'തത്വമസി' ന്ന്.

പ്ലിംങ്ങ്

ജനാധിപത്യം

സ്വന്തം നാട്ടിലെ ജനങ്ങൾ പുറന്തള്ളിയവരെ,
ഭാഷ പോലുമറിയാത്ത മറുനാട്ടിൽ മൽസരിപ്പിച്ചു ജയിപ്പിച്ചും, രാജ്യസഭാംഗമായി നോമിനേറ്റ് ചെയ്‌തും മന്ത്രി സ്ഥാനങ്ങളിലെത്തിക്കുന്ന ജനാധിപത്യത്തിന് നമോവാകം.
......of the people, by the people, for the people.

ഞാനുമവലോകനൻ

തെരഞ്ഞെടുപ്പവലോകനങ്ങൾ ധാരാളം കേട്ടിരിക്ക്ണൂ, ന്നാലും ഈ എളിയവലോക നകുതുകിയുടെ വക ഇത് കൂടി ഇരിക്കട്ടെ.

ഒന്ന്,

മതം, ജാതി എന്നീ വികാരങ്ങൾ കൊണ്ടു പ്രീണിപ്പിക്കപ്പെടാവുന്നതോ/ വ്രണപ്പെടുത്താവുന്നതോ, സംയോജിക്കപ്പെടാവുന്നതോ/ ധ്രുവീകരിക്കപ്പെടാവുന്നതോ ആയത്രയും മാനസിക, മാനുഷിക, സാമൂഹ്യ, സാമ്പത്തിക, ശാസ്ത്ര, സാങ്കേതിക പുരോഗതിയേ പിറന്നന്നു തൊട്ടിന്നു വരെ നാം നേടിയിട്ടുള്ളൂ.

രണ്ട്,

ജനാധിപത്യ, സമത്വ, സാഹോദര്യ സങ്കൽപ്പങ്ങളെ തുരങ്കം വക്കുന്ന ധാർഷ്ട്യം വിജയം വരിക്കാൻ സാധ്യതയില്ല തന്നെ.

ന്നെ തല്ലരുത്.